Sa aking mga Kasamang Maisug,

Sa pagtatapos ng kasalukuyang taon at pagbubukas ng 2025 na may dalang pag-asa at tagumpay, pahintulutan ninyo ako na maabot ang bawat isa sa inyo at ipaabot ang aking taos-puso at buong pagpapakumbabang pasasalamat.

Ang inyong dedikasyon, pagpupunyagi at walang kapaguran na pagkilos ang siyang haligi ng ating kampanya at tunay na sadya akong mapalad na kayo ang aking mga kasama sa lakbay na ito.

Nasaksihan natin ang mabilis na paglawak, paglakas at pagtibay ng ating Maisug na samahan at organisasyon dahil na rin sa inyong hindi patitinag na prinsipyo, pakikiisa at kolektibong inisyatibo at dahil diyan, tanggapin po ninyong lahat ang aking taos-pusong pasasalamat at pagtanaw ng utang na loob.

Salubungin natin ang Bagong Taon na may pag-asa, sigla at higit pang determinasyon na makamtan ang ating minimithi na Transparency, Accountability, Peace and Security sa pamumuno at pamamahala.

Wala akong alinlangan na atin itong makakamtan at panatag ang aking kalooban na abot kamay ang tagumpay ngayon bagong taon.

Hindi na mapipigilan ang pag Hakbang ng Maisug at kasama kayo, natitiyak natin na Posible ang Pagbabago ngayon 2025 sa Senado!

Nagmamahal,

Atty. Vic Rodriguez